“Манчестер Юнайтед” клуби бош мураббийи Жозе Моуриньо “Валенсия”дан ярим ҳимоячи Андреас Перейрани қайтармасликни айтиб ўтди. Моуриньонинг фикрига кўра, 22 ёшли футболчининг қайтиши “Манчестер Юнайтед”ни кучайтира олмайди.
“Перейра қайтадими? Йўқ-йўқ. Андреасдан барча хурсанд, у доим ўйин амалиётига эга бўлмоқда. Хавотир бўлаётганим, у “Валенсия”да “Манчестер Юнайтед” жамоасида йўқ позицияда ўйнамоқда”, — деди Жозе Manchester Evening News нашрига берган интервьюсида.