“Арсенал” клуби собиқ футболчиси Пол Мерсон “Манчестер Юнайтед” аъзоси Генрих Мхитаряннинг лондонликлар сафига келиб қўшилиши эҳтимоли борасида гапириб ўтди.

“Мен Мхитарян истеъдодининг катта шайдосиман, уни Дортмунддан буён кузатиб келаман. Айан “Боруссия“да у чиндан ҳам ёрқин футболчига айланди.

Унга “Манчестер Юнайтед”да бироз омад кулиб боқмади, аммо агар у “Арсенал”га ўтса, бу сенсацияга айланиши мумкин.

“Арсенал“ ажойиб трансфер амалга оширган бўлади. Бундай футболчини январда топиш қийин. Мхитарян – Премьер-лигада энг яхшилардан бири”, — деди Мерсон.