«Реал» бош мураббийи Зайниддин Зидан «Депортиво»га қарши ўйин (7:1) борасида ўз фикрларини билдириб ўтди.

«Жуда яхши ўйин бўлди. Сўнгги пайтларда юз берган омадсизликлардан кейин ниҳоят бугунги ўйин қувонтирди. Жамоага бу ғалаба керак эди. Мен хурсандман.

Ҳимояда жуда ишончли ҳаракат қилдик. Энди бизга ғалабали ўйинлар серияси керак. Навбатдаги ўйинлар ҳақида ўйлашимиз керак.

Иско захирада қолди? Сиз доимо менга ғалати саволлар берасиз. Иско – биз учун муҳим ўйинчи. У кўп ўйинларда майдонга тушди. Мен таркибни танлаш қарор қабул қилишим керак. Бу осон иш эмас. Бу менинг вазифам.

Бенземанинг шаънига ҳуштакбозликлар ҳақиқатан ҳам футболчига таъсир кўрсатади. Мен буни тушунаман, лекин, шу билан биргаликда, ижобий нарсаларни ҳам эътироф этиш керак. Бундай ҳолатлар рўй бермаслиги учун биз ғалаба қозоинишимиз керак.

Ишимиз яхши кетаётганида ҳам, унчалик юришмаётганида ҳам мухлислар бизни қўллаб-қувватлашларини истардим. Мен бу стадионда ўйнаганман ва ҳуштакбозлик нима эканини яхши биламан», – деди Зидан.