"Атлетик" дарвозабони Кепа Аррисабалага клуб билан шартномасини узайтиргани юзасидан фикр билдирди.
Янги шартномага кўра, Кепа 2025 йилгача "Атлетик"да ўйнайди.
"Жуда бахтиёрман, ўз уйимдай бўлиб қолган клубда ўйнаётганимдан мамнунман. Мен 15 йилдан буён "Атлетик"даман бу мен учун жуда муҳим вазият. Узоқ давом этган музокаралардан сўнг ҳаммаси яхши тугади. Босим ўтказмагани учун клубдан миннатдорман. Бошқа клублардан таклифларга қарамай, "Атлетик"да қолишни маъқул кўрдим", - дейди Аррисабалага.
Аввалроқ, испан матбуоти Аррисабалагага "Реал" қизиқаётганини хабар қилган эди.
