"Манчестер Юнайтед" бош мураббийи Жозе Моуриньо Генрих Мхитарянни "Арсенал" ҳужумчиси Алексис Санчес билан алмаштирилиши ҳақида фикр билдирди.

"Мхитарян "Арсенал"да "МЮ"дагидан кўра яхшироқ ўйин кўрсатишига ишонаман. У бир ярим йилдан буён Англияга мослашди. Бу ҳамма учун яхши бўлди, Микки учун хурсандман.

У "МЮ"да ҳам яхшироқ ўйнаши, мен ҳам унинг иқтидоридан кўпроқ фойдаланишими мумкин эди. Балки, у бизга яхшироқ мослашиши мумкин эди. Аммо мен ҳеч нарсадан афсусланмайман. У клуб тарихига кирди. Принципиал рақибимиз билан шундай ноодатий келишувга эришганимиздан ҳамма рози. Бундай воқеалар тез-тез бўлиб туриши керак.

Бу фантастик келишув бўлди. Ўйинчилар ҳар томонлама яхши бўлганларидагина шундай келишувлар бўлади. Мен ҳам, аноб Венгер ҳам фантастик ўйинчиларимиздан айрилдик. Алексис гигант клубга ўтди, Мхитарян эса - фантастик клубга", - дейди Моуриньо.