Испания чемпионати 21-тури доирасидаги «Барселона» ҳамда «Алавес» ўртасидаги учрашув ўз поёнига етди.
Каталонияликлар учун жуда оғир тарзда кечган ўйинда якуний ҳисоб 2:1 кўринишини олди. Қайд этиш керакки «Алавес»нинг ҳимоя чизиғи анча тартибли ўйин кўрсатгани боис мезбонлар ғалаба йўлида катта тер тўкишди.
Ўйиннинг 23-дақиқасида «Алавес» қарши ҳужумда «Барселона»ни жазолади. Гол муаллифи Йон Гвидетти. Биринчи бўлимда мазкур ҳисоб сақланиб қолинди.
Иккинчи бўлимнинг 72-дақиқасига келиб Андрес Иньестанинг ажойиб ҳаракатлари ва аниқ узатмасидан сўнг Луис Суарес мувозанатни тиклади.
84-дақиқада эса Лионель Месси жарима тўпини чиройли голга айлантирли ва якунда шу гол жамоага ғалаба тақдим этди.
ИСПАНИЯ ЧЕМПИОНАТИ. 21-ТУР
БАРСЕЛОНА – АЛАВЕС 2:1 (0:1)
28 январь, «Камп Ноу»
Голлар: 0:1 – 23 Гвидетти, 1:1 – 72 Суарес, 2:1 – 84 Месси.
Барселона: тер Стеген, Пике, Динь (Альба, 52), Нелсон Семеду (Серджи Роберто, 52), Умтити, Коутиньо (Пако Алькасер, 66), Ракитич, Паулиньо, Иньеста, Суарес, Месси.
Алавес: Пачеко, Лагуардиа, Дуарте (Демирович, 89), Руано, Марипан, Ибаи Гомес, Медран, Мубарак, Перес (Педраса, 63), Гвидетти (Мунир, 75), Собрино.
Огоҳлантиришлар: Мубарак (22), Дуарте (27).
