“Реал Сосьедад” клуби ҳимоячиси Иньиго Мартинес фаолиятини “Атлетик”да давом эттиради.
“Атлетик” бироз аввал Эмерик Лапортни “Манчестер Сити”га 65 миллион евро эвазига сотиб юборганди ва шундан сўнг рекорд миқдор 32 миллионга Мартинесни харид қилди.
26 ёшли футбочли янги жамоаси билан 2023 йилга қадар шартнома имзолаган. Унинг товон пули эса 80 миллион еврони ташкил қилади.
Таъкидлаш жоизки, Мартинес айни пайтда Испанияда энг қиммат ҳимоячи бўлиб, унинг хариди 2005 йил “Севилья”дан “Реал”га ўтган Серхио Рамосни ортда қолдирди.
