“Пахтакор” клуби мажлислар залида Хитойда бўлиб ўтган U-23 Осиё чемпионатида ғалаба қозонган Ўзбекистон ОТЖ аъзоларини тақдирлаш маросими бўлиб ўтди.
Маросимда Ўзбекистон Миллий Олимпия Қўмитаси Президенти, Ўзбекистон Футбол Ассоциацияси вице-президенти Умид Аҳмаджонов, ЎФА Ижроқўм аъзоси, “Пахтакор” ФК президенти Бобур Шодиев, Ўзбекистон футбол ассоциацияси масъуллари, футболчилар ва мураббийлар иштирок этишди.
Осиё чемпионатида шижоат ва матонат кўрсатиб, Ватанимиз номини юксакларга кўтарган ва мазмунли ўйин намойиш қилиб Осиё чемпиони деган шарафли номга сазовор бўлган футболчилар ва мураббийларга “Пахтакор” ФК президенти Бобур Шодиев томонидан пул мукофотлари топширилди.
