Бундан бироз вақт олдин Қибрайдаги ўқув-машғулот базасида “Андижон” жамоасига қарши навбатдаги назорат ўйини якунланди. Андижонликларга қарши учрашувнинг биринчи бўлимида дарвозалар олдида бир қатор имкониятлар юзага келтирилган бўлсада ҳисоб очилмади. Танаффусдан кейин Азамат Алланиёзов ва Зоҳир Пиримовлар бир мартадан муваффақият қозониб, жамоамизнинг 2:0 ҳисобидаги ғалабасини таъминлашди. Жамоамиз учрашувни қуйидаги таркибда ўтказди: Илья Гаврилов, Авазбек Маматҳўжаев, Мирзоҳид Ғофуров, Жаҳонгир Меҳмонов, Дилшод Жабборов, Азизбек Турғунбоев, Ойбек Қиличев, Аъзам Алиев, Остон Ўрунов, Аюбхон Нўъмонов, Азамат Алланиёзов. Захирадан майдонга тушганлар: Абдумавлон Абдужалилов, Зоҳир Пиримов, Дилшод Шарофиддинов, Илҳом Бойдедаев, Шоҳзамон Ҳайруллаев, Беҳруз Саъдиллаев.
Навбатдаги назорат ўйини 2 февраль куни Навоийнинг “Қизилқум” клубига қарши бўлиб ўтади.
“Навбаҳор” ФК матбуот хизмати.
