Аргентинанинг "Эскуэла Президенте Рока" клуби футболчиси Цезарь Пагани жамоа бош мураббийи тўппонча ўқталиб, ўзини асосий таркибга қўйишини талаб қилди.
Бу ҳақида AS нашри хабар бермоқда. Воқеа машғулотлар вақтида рўй берган.
"Мен клубда 45 йилдан бери ишлайман, аммо бундай воқеа ҳеч қачон бўлмаган эди", - дейди мураббий Кристиану Нейру. Воқеадан сўнг мураббий истеъфо берди.
Воқеа билан полиция шуғулланди. Мамлакат қуйи дивизиони иштирокчиси бўлган клуб президентининг айтишича, Пагани аввал танишлари орқали жамоадошларидан бирига таҳдид қилган.
