"ПСЖ" бош мураббийи Унаи Эмери ЕЧЛ 1/8 финалида "Реал" билан учрашувлар олдидан клуб хўжайини Носир Ал Ҳелайфий маблағларининг Францияга тегаётган фойдаси ҳақида фикр билдирди.
"Флорентино Переснинг сўзлари доим эсимда: "Энг яхши жамоа дунёнинг энг яхши ўйинчисига эга бўлиши керак". Бу бундай молиявий имкониятларга эга клублар учун яхши намуна. "Реал" Фигу борасида шундай қилди. Уни "Барселона"дан сотиб олганини ўқиганимда, бунга ишонмаган эдим.
Испанияда доим шундай бўлган, Мадридда - Зидан, Криштиану Роналду, Ҳамес трансферлари, Барселонада Ривалдо.
Биз Францияда кўраётган молиявий қудрат, мамлакат учун фойдалидир. Франция Қатар сармояларидан миннатдор бўлиши керак, шу сабабли энг яхши ўйинчилар келишмоқда.
Носир Ал Ҳелайфийнинг охирги қадами дунёнинг энг яхши уч ўйинчисидан бири -Неймарни харид қилиши бўлди. Бу трансферлардан сўнг ҳужум чизиғимиз кучайди ва менинг бошим қотди: мувозанатни топиш учун бор маҳораимни ишга солишим керак", - дейди Эмери.
