“Тоттенхэм” клуби бош мураббийи Маурисио Почеттино “Ювентус”га қарши ўйин олдидан фикр ва мулоҳазаларини айтиб ўтди.

“Ювентус” – буюк жамоа. Сўнгги уч йилда улар икки марта ЕЧЛ финалига қадар етиб боришди.

“Тоттенхэм” тарихини “Юве” билан тенглаштириш нотўғри бўларди. Лекин бизда бугунги ўйин учун алоҳида режа бор.

“Ювентус” – ажойиб таркибдан ташкил топган топ-клуб, ўйлайманки кичик йўқотишлар улар учун муаммо келтириб чиқармайди. Чунки, “Ювентус” захирасида тажрибали футболчилар тиқилиб ётибди”, - дейди Почеттино.