Олмалиқнинг АГМК жамоаси Анталияда давом этаётган иккинчи йиғин режасидан ўрин олган бешинчи назорат ўйинида майдонга тушди.

Бунгача бўлиб ўтган 4 учрашувнинг 3тасида АГМК дуранг қайд этилган ва яна 1 баҳсда рақиб ғалабага эришганди. Туркманистоннинг амалдаги чемпиони "Олтин Аср"га қарши ўйинни грузиялик ҳакамлар бошқариб боришди. Қизиқарли ўтган ўйинда АГМК 3:1 ҳисобида ғалаба қозонди. Олмалиқликлардан голларни Вадим Чемиртан, Музаффар Музаффаров ва Йован Жокичлар киритишган бўлса, рақиб жамоадан Михаил Титов жавоб тўпи муаллифи бўлди. Жокич томонидан урилган учинчи гол пенальтидан амалга оширилди.

Агмк Анталиядаги сўнгги назорат ўйинини Грузиянинг "Рустави" жамоасига қарши ўтказади.