Бильбао суди Европа лигаси доирасида "Атлетик" - "Сапртак" учрашуви олдидан мухлислар ўртасида келиб чиққан тартибсизлик туфайли ҳибсга олинган тўққиз кишини қҳўйиб юборди, дея хабар беради Mundo Deportivo.
Манбага кўра, ҳибсга олинганлар 23 февраль куни суд олдида жавоб берганлар. Улар орасида учта россиялик, бир поляк ва бешта маҳаллий фуқаро бўлган. Уларнинг барчасига жамоат тартибини бузганликда айбланган, учта россиялик ва полякка эса полицияга қаршилик кўрсатганлик айблови ҳам қўйилган.
Эслатиб ўтамиз, тартибсизлик оқибатида маҳаллий полициячининг юраги хуруж қилган ва шифлхонада вафот этган эди.
