Бугун «Навбаҳор» жамоасининг янги аъзолари оммага таништирилгани ҳақида аввалроқ хабар бериб ўтгандик.
Маълум сабабларга кўра, ушбу тақдимотда «Навбаҳор»нинг янги аъзоси - дарвозабон Ботирали Эргашев иштирок эта олмади. Лекин шунга қарамай Эргашев янги мавсумни «Навбаҳор»да ўтказади. Эргашев яқинда вилоят ҳокими қабулида бўлганида ҳам «Навбаҳор»да ўйнаш нияти борлигини айтиб ўтган экан.
Мана, Ботирали ниятига эришди! Ботирали Эргашев 1995 йил Попда таваллуд топган. Эндиликда «Навбаҳор» сафида икки поплик ўйинчилар бўлди - Азиз Турғунбоев ва Ботирали Эргашев. Жамоа билан келишувга эришган дарвозабон Илья Гаврилов ва Аваз Маматхўжаевлар билан келишувлар бекор қилинди.
