Самир Насри вакили футболчининг допинг билан муаммолар сабабли УЕФА томонидан 6 ойга футболдан четлаштирилганини маълум қилди. Бу ҳақда The Telegraph хабар берди.
Аввалроқ Испаниянинг Marca нашри Насри футболдан 1 йилга четлаштирилгани, бу маълумот 26 февраль куни расман тасдиқланиши ҳақида хабар берган эди.
30 ёшли футболчи 2016 йилда витаминли терапия билан шуғулланувчи Лос-Анжелесдаги DripDoctors клиникасида даволанган. Даволанишнинг ушбу тури допинг изларини беркитиши мумкин. Насрига нисбатан тергов ишлари бошланган.
Ҳозирда Насри эркин агенти ҳисобланади. Аввалроқ "Лас-Пальмас" футболчига қизиқиш билдираётгани хабар қилинган эди.
