Бильбао шаҳри мэри Хуан Мари Абурто Европа лигаси 1/16 финалида "Атлетик" - "Спартак" учрашувидан сўнг (1:1) россиялик ишқибозларга айтган гапидан афсусда эканини маълум қилди.
Ўйин олдидан жамоалар ишқибозлари ўртасида тўқнашув юзага келган, шу вақтда полициячи вафот этган. Бильбао полицияси ўз ходимининг инфарктдан вафот этганини аниқлади.
"Баёнотимдан афсусдаман. Руслар ҳам бошқа ҳалқлар қаторида ҳар доим шаҳримизда хуш кутиб олинади.
Вафот этган полициячи билан бирдамлик учун, ҳаммамиз - клублар, УЕФА радикал ва безори фанатлардан қутилишимиз керак. Улар футбол ниқоби остида зўровонлик ва провокация уюштирадилар", - дейди мэр.
Эслатиб ўтамиз, воқеалардан сўнг Абурто матбуот орқали россиялик ишқибозларга "Менинг шаҳримга бошқа қадам босманг!" деган эди.
