Bilbao shahri meri Xuan Mari Aburto Yevropa ligasi 1/16 finalida "Atletik" - "Spartak" uchrashuvidan so‘ng (1:1) rossiyalik ishqibozlarga aytgan gapidan afsusda ekanini ma’lum qildi.

O‘yin oldidan jamoalar ishqibozlari o‘rtasida to‘qnashuv yuzaga kelgan, shu vaqtda polisiyachi vafot etgan. Bilbao polisiyasi o‘z xodimining infarktdan vafot etganini aniqladi.

"Bayonotimdan afsusdaman. Ruslar ham boshqa halqlar qatorida har doim shahrimizda xush kutib olinadi.

Vafot etgan polisiyachi bilan birdamlik uchun, hammamiz - klublar, UYEFA radikal va bezori fanatlardan qutilishimiz kerak. Ular futbol niqobi ostida zo‘rovonlik va provokasiya uyushtiradilar", - deydi mer.

Eslatib o‘tamiz, voqealardan so‘ng Aburto matbuot orqali rossiyalik ishqibozlarga "Mening shahrimga boshqa qadam bosmang!" degan edi.