Англия премьер-лигасида "Арсенал" - "Манчестер Сити" (0:3) учрашуви Пеп Гвардиола учун "шаҳарликлар"даги 100-ўйин бўлди.

Каталониялик мутахассис барча мусобақаларда 71-ғалабага эришди, 16 марта дуранг ўйнади ва 13 та мағлубият аламини тотиб кўрди. Шунингдек, Англия лига кубогини қўлга киритди.

Гвардиола "Барселона"да ҳам дастлабки 100 та ўйинида 71 та ғалаба қозонган эди. "Бавария"да эса сал кўпроқ - 77 та ғалаба.

"Манчестер Сити" бу вақт ичида 269 гол урди (АПЛ жамоалари орасида энг яхши кўрсатич) ва 92 гол ўтказди..

Бундан ташқари, "шаҳарликлар" 28 та ўйиндан иборат мағлубиятсиз серия ўтказдилар, бу клуб рекорди ҳисобланади.