«Барселона» вингери Ламин Ямал Чемпионлар лигаси рекордини янгилади. У 1/8 финал доирасида «Ньюкасл»га қарши кечган жавоб ўйинида гол уришга муваффақ бўлди. Ямал биринчи бўлим якунида пенальтини аниқ амалга оширди.
Эндиликда Ямал ҳисобида ЕЧЛдаги 10 та гол мавжуд. У ушбу маррага эришган тарихдаги энг ёш футболчига айланди.
Бугун Ламин 18 ёшу 248 кунлик. У 2017 йилда ўзининг 10-голини 18 ёшу 350 кунлигида киритган Килиан Мбаппени ортда қолдирди. Тарихда ҳали ҳеч ким 19 ёшга тўлгунига қадар Чемпионлар лигасида 10 бор рақиблар дарвозасини ишғол эта олмаган эди.
ЕЧЛда 10 та голга эришган энг ёш футболчилар:
| Ўрин | Футболчи | Ёши | Йил |
| 1 | Ламин Ямаль | 18 ёш 248 кун | 2026 |
| 2 | Килиан Мбаппе | 18 ёш 350 кун | 2017 |
| 3 | Эрлинг Холанд | 19 ёш 212 кун | 2020 |
