«Арсенал» «Реал» ярим ҳимоячиси Эдуардо Камавингани ўз сафига қўшиб олмоқчи, деб ёзади fichajes.net.

Хабар қилинишича, Лондон жамоаси бош мураббийи Микель Артета таркибда ротацияни амалга ошириш учун ярим ҳимоя чизиғида бир нечта юқори даражали ижрочиларга эга бўлишни истамоқда.

Манбанинг ёзишича, «Арсенал» раҳбарияти Камавинганинг келиши ярим ҳимоя чизиғига ранг-баранглик олиб келади деб ҳисоблайди.

Яқинда журналист Маттео Моретто агар клубга футболчи учун 50 миллион евродан кўпроқ таклиф тушса, «Реал» Камавингани сотиш имкониятини кўриб чиқиши мумкинлигини маълум қилган эди.

Франциялик футболчининг мадридликлар билан шартномаси 2029 йилнинг ёзига қадар мўлжалланган.