«Ливерпуль» бош мураббийи Арне Слот Чемпионлар лигаси 1/8 финали доирасида «Галатасарой»га қарши кечадиган жавоб учрашуви олдидан истеъфо ҳақидаги миш-мишлар қуршовида қолди. Шу билан бирга, кутилмаган маълумот пайдо бўлди — гўёки клублардан бири аллақачон Слот билан музокараларни бошлаб юборган.
Indykaila News хабарига кўра, «Аякс» Арне Слотни мураббийлик лавозимида кўришни истамоқда. Амстердам клуби нидерландиялик мутахассис билан расман боғланган.
«Манбаларнинг таъкидлашича, илк музокаралар жуда ижобий ва юқори даражада ўтган», — дейилади инсайд хабарида.
Эслатиб ўтамиз, Арне Слот аввалроқ ўз ватанида бир нечта клубларда, жумладан, АЗ ва «Фейеноорд» жамоаларида фаолият юритган.
