«Liverpul» bosh murabbiyi Arne Slot Chempionlar ligasi 1/8 finali doirasida «Galatasaroy»ga qarshi kechadigan javob uchrashuvi oldidan iste’fo haqidagi mish-mishlar qurshovida qoldi. Shu bilan birga, kutilmagan ma’lumot paydo bo‘ldi — go‘yoki klublardan biri allaqachon Slot bilan muzokaralarni boshlab yuborgan.
Indykaila News xabariga ko‘ra, «Ayaks» Arne Slotni murabbiylik lavozimida ko‘rishni istamoqda. Amsterdam klubi niderlandiyalik mutaxassis bilan rasman bog‘langan.
«Manbalarning ta’kidlashicha, ilk muzokaralar juda ijobiy va yuqori darajada o‘tgan», — deyiladi insayd xabarida.
Eslatib o‘tamiz, Arne Slot avvalroq o‘z vatanida bir nechta klublarda, jumladan, AZ va «Feyenoord» jamoalarida faoliyat yuritgan.













