Мадриднинг “Реал” клуби бош мураббийи Зинедин Зидан ПСЖга қарши ўйиндаги ғалабадан хурсанд эканлиги билан бирга шогирдлари ҳаракатини юқори баҳолади.
“Асосийси ўйинни яхши бошладик. Ўйинни ғалаба билан якунлашимизни бироз бўлсада пайқаган эдим.
Лекин шунга қарамай, учрашув кутилганидан анча қийин ўтди. Хурсандман. Футболчиларни ғалаба билан табриклашим керак, улар майдонда мен кутгандан ҳам кўра ажойиб ҳаракат қилишди. Браво!
Парижда ўйнаш доим қийин бўлган, чунки мухлислар жамоалари учун фантастик муҳитни яратиб беришга доимо тайёр туришади.
Аммо “Реал” бугун ҳақли равишда ғалаба қозонди ва кейинги босқичга йўл олди”, – деди Зидан.
