Мадриднинг “Реал” клуби ярим ҳимоячиси Гарет Бэйл мавсум охирида жамоасини алмаштириши мумкин.
Маълумотларга қараганда, Бэйл ушбу қарорни бугун ПСЖга қарши Парижда бўлиб ўтган жавоб баҳси (2:1) дан сўнг қабул қилган. Бэйл ўйннинг 76-дақиқасида майдонга туширилди. Биринчи ўйинда эса майдонда 68-дақиқадан кейин ҳаракат қилишни бошлаган эди.
Футболчининг агенти Жонатан Барнетт ёзда мижозига янги жамоа қидириш ишларини бошлаб юборади. “Реал” эса Бэйлни 5 йил аввал “Тоттенхэм”дан харид қилинган миқдор - 100 миллион евро эвазига қўйиб юборишга тайёр.
Эслатиб ўтамиз, аввалроқ мадридликлар футболчиларини “Манчестер Юнайтед” ёки “Тоттенхэм” жамоаларига сотишни режалаштираётганлари ҳақида хабарлар пайдо бўлганди.
