Франция чемпионати 29-тури доирасида «ПСЖ» – «Метц» учрашуви бўлиб ўтди. «Парк де Пренс» стадионида бўлиб ўтган баҳсда парижликлар голлар ёмғирини уюштиришди.

Учрашувнинг 5-дақиқасидаёқ Томас Менье ҳисобни очди. Кейин эса Кристофер Нкунку дубль қайд этди. Танаффус арафасидаКилиан Мбаппе ҳисобни 4:0 кўринишига олиб келди.

Сўнгги гол эса 82-дақиқада жамоа сардори Тьяго Силва томонидан киритилди.

ФРАНЦИЯ ЧЕМПИОНАТИ. 29-ТУР

ПСЖ – МЕТЦ 5:0 (4:0)

Голлар: 1:0 – 5 Менье, 2:0 – 20 Нкунку, 3:0 – 28 Нкунку, 4:0 – 45(+1) Мбаппе, 5:0 – 82 Тиаго Силва.

ПСЖ – Ареоля, Тиаго Силва, Берчиче, Менье, Кимпембе, Дракслер (Рабьо, 71), Диарра, Ди Мария (Веа, 71), Верратти (Ло Чельсо, 64), Нкунку, Мбаппе.

Метц: Кавасима, Дианье (Ривьер, 64), Ньяхате, Ривьере, Селимович, Коад, Поблете, Миличевич (Ньян, 86), Доссеви, Балиу, Ру.

Огоҳлантириш: Дианье (40).