Халқаро футбол федерацияси ташкилоти (ФИФА) президенти Жанни Инфантино 2018 йилда Россия майдонларида бўлиб ўтадиган жаҳон чемпионатида ҳакамларга видеоассистент тизими (VAR) қўлланишини маъқулланганини айтиб ўтди. Маълумотларга кўра, Инфантино бу ҳақида Боготада ўтган ФИФА мажлисида эълон қилган.

"Биз ҳакамларга ёрдам бериш мақсадида шундай қарорга келдик. Бу айниқса жаҳон чемпионатида муҳим аҳамиятга эга бўлади.

Эндиликда кўпчилик ойнайи жаҳон қаршисида ўтириб бироз вазиятда хатога йўл қўйилганини билиши, ҳакам эса бундан бехабар бўлишига йўл қўйилмайди.

Сиз бирон ишни қилиб кўрмасдан туриб, уни нечоғли муҳимми ёки муҳиммасмилигини била олмайсиз.

Видеотакрорсиз ҳар бир ҳакам 3та ўйинда камида 1та хатога йўл қўяди. VAR тизими билан эса ҳакамлар 19та ўйинда 1та хатога йўл қўйишлари мумкин", - дейди Инфантино.

Аввалроқ VAR системасини қўллаш IFAB'нинг йиллик йиғилишда расман маъқулланган эди. Энди ташкилот футбол қоидаларига ўзгартириш киритишни бошлаб юборган.

VAR тизими илк марта ФИФА байроғи остидаги Конфедерациялар кубогида синовдан ўтказилганди. Шунингдек ҳозирда бир қатор чемпионатлар ва миллий кубок учрашувларида бу тизимдан фойдаланиб келишмоқда.