Xalqaro futbol federasiyasi tashkiloti (FIFA) prezidenti Janni Infantino 2018 yilda Rossiya maydonlarida bo‘lib o‘tadigan jahon chempionatida hakamlarga videoassistent tizimi (VAR) qo‘llanishini ma’qullanganini aytib o‘tdi. Ma’lumotlarga ko‘ra, Infantino bu haqida Bogotada o‘tgan FIFA majlisida e’lon qilgan.
"Biz hakamlarga yordam berish maqsadida shunday qarorga keldik. Bu ayniqsa jahon chempionatida muhim ahamiyatga ega bo‘ladi.
Endilikda ko‘pchilik oynayi jahon qarshisida o‘tirib biroz vaziyatda xatoga yo‘l qo‘yilganini bilishi, hakam esa bundan bexabar bo‘lishiga yo‘l qo‘yilmaydi.
Siz biron ishni qilib ko‘rmasdan turib, uni nechog‘li muhimmi yoki muhimmasmiligini bila olmaysiz.
Videotakrorsiz har bir hakam 3ta o‘yinda kamida 1ta xatoga yo‘l qo‘yadi. VAR tizimi bilan esa hakamlar 19ta o‘yinda 1ta xatoga yo‘l qo‘yishlari mumkin", - deydi Infantino.
Avvalroq VAR sistemasini qo‘llash IFAB'ning yillik yig‘ilishda rasman ma’qullangan edi. Endi tashkilot futbol qoidalariga o‘zgartirish kiritishni boshlab yuborgan.
VAR tizimi ilk marta FIFA bayrog‘i ostidagi Konfederasiyalar kubogida sinovdan o‘tkazilgandi. Shuningdek hozirda bir qator chempionatlar va milliy kubok uchrashuvlarida bu tizimdan foydalanib kelishmoqda.
