“Барселона” “Шальке” аъзоси Макс Майернинг хизматларидан воз кечди.

Футболчининг амалдаги шартномаси мавсум охирида тугайди ва у ёзда эркин агентга айланади. Майер фаолиятини Европанинг кучли клубларидан бирида давом эттирмоқчи. Футболчининг агенти унинг хизматига қизиққан “Барселона” билан алоқага чиққанди, бироқ Каталония клуби “Гремио”дан харид қилинаётган футболчи туфайли Майердан воз кечди.

Бироқ Макс “Шальке”дан кетиш қарорини ўзгартирган эмас ва бошқа жамоаларнинг таклифларини кўриб чиқишга тайёр. Айни дамда унга Мюнхенгладбахнинг “Боруссия”си, “Арсенал” ва “Ливерпул” қизиқяпти.