“Барселона” клуби собиқ ярим ҳимоячиси Хави енгил атлетикачи Усэйн Болтнинг футболчи бўлиш орзуси ҳақида гапирди.

“Бугунги кун футболда қайси жиҳат қадрли ҳисобланади? Албатта, истедод. Истедод нима? Ўйинда тўпни фақат оёқ билан эмас, балки мия билан ҳам назорат қилиш талаб этилади.

Усэйн Болт менга ёқади, у ҳақиқий спортчи. Жисмоний тарафлама у билан ҳеч ким тенглаша олмаслигидан яхши хабарим бор.

Ҳеч ким у каби тез югура олмаса керак, лекин ҳурмат билан шуни айтишим мумкинки, Болт майдонда ҳеч қандай муҳим вазифани бажара олмайди”, – деди Хави.