Бразилия терма жамоасининг бош мураббийи Тите Россия терма жамоасига қарши асосий таркибни танлади.

Демак, Бразилия Россияга қарши ўйинни ушбу таркиб билан бошлайди:

Алиссон, Дани Алвес, Миранда, Тиаго Силва, Марсело, Каземиро, Паулиньо, Филиппе Коутиньо, Виллиан, Дуглас Коста, Габриэл Жезус.

Бу ўйинда Бразилия сардори “Рома” дарвозабони Алиссон бўлади.

Эслатиб ўтамиз, Россия – Бразилия учрашуви эртага, 23 март куни “Лужники” стадионида Тошкент вақти билан 21:00 да бошланади.

Шу ўринда яна бир савол туғилади. Ўзбекистон терма жамоаси бош мураббийи Темур Кападзе Садио Мане ва Сенегалга қарши ўйин учун қандай тактика ўйлаётган экан? Ўйинни асосий таркибда қайси футболчилар бошлашади. Буниси ҳозирча бизга қоронғу. Аниқроғи, барчасини эртага билиб оламиз.

МТЖнинг Сенегалга қарши ўйини 23 март куни Тошкент вақти билан соат 22:00 да, Марокашга қарши учрашуви эса 27 март куни тунги соат 01:00 да бошланади.