Braziliya terma jamoasining bosh murabbiyi Tite Rossiya terma jamoasiga qarshi asosiy tarkibni tanladi.

Demak, Braziliya Rossiyaga qarshi o‘yinni ushbu tarkib bilan boshlaydi:

Alisson, Dani Alves, Miranda, Tiago Silva, Marselo, Kazemiro, Paulinyo, Filippe Koutinyo, Villian, Duglas Kosta, Gabriel Jezus.

Bu o‘yinda Braziliya sardori “Roma” darvozaboni Alisson bo‘ladi.

Eslatib o‘tamiz, Rossiya – Braziliya uchrashuvi ertaga, 23 mart kuni “Lujniki” stadionida Toshkent vaqti bilan 21:00 da boshlanadi.

Shu o‘rinda yana bir savol tug‘iladi. O‘zbekiston terma jamoasi bosh murabbiyi Temur Kapadze Sadio Mane va Senegalga qarshi o‘yin uchun qanday taktika o‘ylayotgan ekan? O‘yinni asosiy tarkibda qaysi futbolchilar boshlashadi. Bunisi hozircha bizga qorong‘u. Aniqrog‘i, barchasini ertaga bilib olamiz.

MTJning Senegalga qarshi o‘yini 23 mart kuni Toshkent vaqti bilan soat 22:00 da, Marokashga qarshi uchrashuvi esa 27 mart kuni tungi soat 01:00 da boshlanadi.