“Манчестер Юнайтед” ҳужумчи Златан Ибрагимовичнинг жамоани тарк этгани ҳақида расман эълон қилди.

Хабарда айтилишича, швециялик 36 ёшли ҳужумчи “МЮ” билан шартномани бекор қилган.

Аввалроқ, Ибрагимович фаолиятини МЛС чемпионатининг “Лос-Анжелес Гэлакси” клубида давом эттириши мумкинлиги айтилганди.

Маълумот учун, Ибрагимович “МЮ”да икки мавсум фаолият олиб борди ва шу вақт мобайнида учта соврин ютди. Жумладан, Златан Англия лига кубоги, Англия Суперкубоги ва Европа лигаси мусобақалари бош совирини қўлга киритди.

Швециялик футболчи АПЛда 33 ўйинда 17 та гол урди.