“Manchester Yunayted” hujumchi Zlatan Ibragimovichning jamoani tark etgani haqida rasman e’lon qildi.

Xabarda aytilishicha, shvesiyalik 36 yoshli hujumchi “MYU” bilan shartnomani bekor qilgan.

Avvalroq, Ibragimovich faoliyatini MLS chempionatining “Los-Anjeles Gelaksi” klubida davom ettirishi mumkinligi aytilgandi.

Ma’lumot uchun, Ibragimovich “MYU”da ikki mavsum faoliyat olib bordi va shu vaqt mobaynida uchta sovrin yutdi. Jumladan, Zlatan Angliya liga kubogi, Angliya Superkubogi va Yevropa ligasi musobaqalari bosh sovirini qo‘lga kiritdi.

Shvesiyalik futbolchi APLda 33 o‘yinda 17 ta gol urdi.