"Атлетико" дарвозабони Ян Облак клуб билан янги шартнома тузиш борасидаги вазият ҳақида фикр билдирди
Облакка "ПСЖ", "Реал", "Ливерпуль" ва "Арсенал" клублари қизиқмоқда.
"Келажакда нима бўлади, билмайман. Ҳатто эртага нима бўлишини айтиш қийин, биз эса кейинги мавсум ҳақида гаплашяпмиз. Аммо мен хотиржамман, вазият "Атлетико"га боғлиқ. Кейин нима бўлишини ҳеч ким билмайди.
Ҳозирча ҳеч қандай янгилик йўқ. Менинг шартномам борасида кўп нарса айтилди, аммо айтишим мумкин бўлган ягона нарса - ҳеч қандай янгилик бўлмагани. Менда икки йил аввал тузилган шартнома бор. Энди "Атлетико"нинг ҳаракатини кутамиз", - дейди Облак.
Словениялик посбоннинг мадридликлар билан шартномаси 2021 йилгача тузилган.
