Футболчилик фаолияти давомида “ПСЖ”, “Барселона” ва “Милан” каби дунёнинг энг кучли клубларида тўп сурган бразилиялик Роналдиньо сиёсат майдонига киришни мўлжаллаб турибди.
2006 йилда “Барселона” сафида Европа чемпионлар лигаси ғолибига айланган Роналдиньо жорий йилнинг октябрь ойида мамлакат Сенати ва халқ вакиллари мажлисига ўз номзодини қўймоқчи.
Бразилия нашрларида ёзилишича, футболчи сиёсат билан шуғулланишни бир йил олдин бошлаган. Айни пайтда бу соҳада мамлакатдаги тажрибали сиёсатдонлар билан тажриба алмашмоқда.
