Туриндаги «Ювентус Стэдиум» ўйингоҳида Италия А сериясининг 30-тури доирасида марказий ўйин бўлиб ўтди. "Ювентус" ўз уйида "Милан"ни қабул қилди ва қийинчилик билан ғалаба қозонди.

Туринлилкар тезкор гол уришга муваффақ бўлишди. Баҳснинг 8-дақиқасида Дибала томонидан олис масофадан йўлланган зарбани Доннарумма қайтара олмади. Миланликлар биринчи бўлимнинг ўзида мувозанатни тиклашди. Бурчакдан етказиб берилган узатмани "Ювентус"нинг собиқ ҳимоячиси Леонардо Бонуччи бош билан "кекса синьора" дарвозасига жойлаб қўйди.

Гаттузо шогирдлари қолган дақиқаларда рақибга яхши қаршилик кўрсатишди, айрим паллаларда ҳужумни якунлашда уларга бироз аниқлик етишмади. Аммо учрашув сўнгида "Юве" босимни оширди ва ғалабани илиб кетди. Дастлаб захирадан тушган Куадрадо бош билан дарвозани ишғол қилган бўлса, кейинчалик Хедира аниқ зарба билан ўйинга нуқта қўйди — 3:1.

Ушбу ғалабадан кейин "Ювентус" таъқибчи — "Наполи"дан 4 очкога илгарилаб кетди.

Италия А серияси, 30-тур
Ювентус – Милан 3:1 (1:1, 2:0)
Голлар: 1:0 – 8 Дибала, 1:1 – 28 Бонуччи, 2:1 – 79 Куадрадо, 3:1 – 87 Хедира.
Ювентус – Буффон, Бенатия, Кьеллини, Бардзальи, Лихтштайнер (Дуглас Коста, 46), Матюиди (Куадрадо, 61), Асамоа, Хедира, Пьянич (Бентанкур, 75), Игуаин, Дибала.
Милан – Доннарумма, Романьоли, Родригес, Бонуччи, Калабрия, Кессиэ, Биглия (Монтоливо, 76), Чалханоглу (Кутроне, 80), Бонавентура, Сусо, Андре Силва (Калинич, 65).
Огоҳлантиришлар: Бенатия (38), Родригес (39), Биглия (52), Монтоливо (82).