"Реал" ҳужумчиси Криштиану Роналду ЕЧЛ нимчорак финалининг биринчи учрашувида "ПСЖ" дарвозасига икки тўп киритди (3:1).
Шу тариқа, португалиялик футболчи чемпионлар лигасининг қаторасига 8-учрашувида ҳам гол уришга муваффақ бўлди.
Роналду 2017 йилнинг апрелидан бошлаб ЕЧЛнинг 12 учрашувида 21 та гол урди.
Бундан ташқари, ҳужумчи бир клуб сафида ЕЧЛда 100лик довондан ўтган биринчи футболчига айланди. Кеча бўлиб ўтган ўйинда у 100 ва 101-голларни урди.
Унинг чемпионлар лигасидаги умумий голлари 116 тага етди.
Криштиану чемпионлар лигасидаги голлар сони бўйича "Монако" ва "Шахтёр" клубларини ортда қолдирди. ЕЧЛда фақат 19 жамоа Роналдудан кўпроқ гол урган.
