Хабарингиз бор, Туниснинг Ҳаммамет шаҳрида 6-7 апрель кунлари Аргентинанинг Буэнос-Айрес шаҳрида бўлиб ўтадиган ўсмирлар Олимпиадасига йўлланма берувчи саралаш мусобақалари, ундан кейин эса 9-13 апрель кунлари ўсмирлар ўртасида жаҳон чемпионати баҳслари ўтказилади.
“Sol Azur Beach” меҳмонхонасида ушбу тадбир доирасида Бутунжаҳон таэквондо федерациясининг XXIX Бош ассамблеяси бўлиб ўтди. Унда кун тартибидан ўрин олган бир қатор масалалар билан бирга спорт турининг янги қонун-қоидалари, 2017 йил якунлари, таэквондони янада ривожлантириш чора-тадбирлари, жорий йилда Аргентинанинг Буэнос-Айрес шаҳрида ўтказиладиган ўсмирлар ўртасидаги Олимпия ўйинлари баҳсларини муносиб ташкил этишга доир вазифалар келишиб олинди. Ассамблея ишида Ўзбекистон таэквондо (WTF) ассоциацияси бош котиби Аббос Латипов ҳам иштирок этди.
Эслатиб ўтамиз, эртага 6 апрель куни Хаммамет шаҳрида Аргентинада бўлиб ўтадиган III ўсмирлар Олимпия ўйинларига йўлланма берувчи лицензион мусобақа расман старт олади.
Унда Ўзбекистон терма жамоаси олтин нафар спортчи билан иштирок этади:
-48 кг: Улуғбек Рашидов
-63 кг: Жасур Жайсунов
-73 кг: Абдулазиз Ҳамидуллаев
-49 кг: Мадинабону Маннопова
-55 кг: Озода Собиржонова
-63 кг: Феруза Содиқова
