Xabaringiz bor, Tunisning Hammamet shahrida 6-7 aprel kunlari Argentinaning Buenos-Ayres shahrida bo‘lib o‘tadigan o‘smirlar Olimpiadasiga yo‘llanma beruvchi saralash musobaqalari, undan keyin esa 9-13 aprel kunlari o‘smirlar o‘rtasida jahon chempionati bahslari o‘tkaziladi.
“Sol Azur Beach” mehmonxonasida ushbu tadbir doirasida Butunjahon taekvondo federasiyasining XXIX Bosh assambleyasi bo‘lib o‘tdi. Unda kun tartibidan o‘rin olgan bir qator masalalar bilan birga sport turining yangi qonun-qoidalari, 2017 yil yakunlari, taekvondoni yanada rivojlantirish chora-tadbirlari, joriy yilda Argentinaning Buenos-Ayres shahrida o‘tkaziladigan o‘smirlar o‘rtasidagi Olimpiya o‘yinlari bahslarini munosib tashkil etishga doir vazifalar kelishib olindi. Assambleya ishida O‘zbekiston taekvondo (WTF) assosiasiyasi bosh kotibi Abbos Latipov ham ishtirok etdi.
Eslatib o‘tamiz, ertaga 6 aprel kuni Xammamet shahrida Argentinada bo‘lib o‘tadigan III o‘smirlar Olimpiya o‘yinlariga yo‘llanma beruvchi lisenzion musobaqa rasman start oladi.
Unda O‘zbekiston terma jamoasi oltin nafar sportchi bilan ishtirok etadi:
-48 kg: Ulug‘bek Rashidov
-63 kg: Jasur Jaysunov
-73 kg: Abdulaziz Hamidullayev
-49 kg: Madinabonu Mannopova
-55 kg: Ozoda Sobirjonova
-63 kg: Feruza Sodiqova
