Испания чемпионатининг 31-туридан ўрин олган “Реал” – “Атлетико” учрашуви якунига етди. Унда 1:1 ҳисоби қайд этилди.

Ўйиннинг 53-дақиқасида Криштиану Роналду суперзарба билан Облак дарвозасини ишғол этганди. Орадан 4 дақиқа ўтиб Гризманн ҳисобни тенглаштирди. Шу тариқа ҳисобда олдинда бораётган “Реал” фақатгина 4 дақиқагина ғалабани сақлаб қола олди холос.

Маълумот учун, энди иккинчи ўринда бораётган “Атлетико” пешқадам “Барселона”дан 11 очко ортда қолмоқда. Чемпионат якунланишига яна 7 тур қолди.

Учинчи ўринда бораётган “Реал” “Барса”дан 15 очко кам тўплаган. “Валенсия” (62 очко) агар бугун “Эспаньол”ни мағлуб этадиган бўлса, мадридликлар тўртинчи ўринга тушиб кетишади.

Ла-Лига. 31-тур.

Реал Мадрид – Атлетико 1:1 (0:0, 1:1)

Голлар: 1:0 – 53 Роналду, 1:1 – 57 Гризманн.

Реал Мадрид – Навас, Варан, Марсело, Карвахаль, Рамос, Ковачич (Модрич, 72), Кроос, Асенсио (Иско, 72), Васкес, Бэйл, Роналду (Бензема, 64).

Атлетико – Облак, Савич, Люка Эрнандес, Хуанфран, Годин, Витоло (Корреа, 61), Парти (Гамейро, 82), Сауль, Коке, Гризманн, Диего Коста (Габи, 71).

Огоҳлантиришлар:Кроос (14), Витоло (17), Парти (34), Васкес (88), Люка Эрнандес (89).