"Милан" клуби ва Италия термасининг собиқ ҳимоячиси Паоло Мальдини терма амоани бошқариш истаги борлигини яширмади.
"Мен федерация раҳбари ёрдамчиси Алессандро Костакурта билан бу борада суҳбатлашдим. Унга "йўқ" дейиш қийин. Кўрамиз, Италия термасида ишлаш учун керакли шароит бўлармикан.
Муаммо шундаки, жамоадаги қисқа муддатли вазифа қандайлигини биламан. Италияда келажакни кўзлаб иш тутадиган мураббийни тушунмайдилар. Одамларга ҳозироқ ва шу ернинг ўзидаёқ натижа керак. Улар Италия термасининг Евро-2020 мусобақасига чиқишини истайдилар.
Аммо ҳозир термамиз дунёнинг етакчи термалари билан рақобат қила олмайди", - дейди Мальдини.
