“Рома” ва “Барселона” ўйини қаҳрамони, римликлар ҳужумчиси Эдин Жеко “Барселона” устидан қозонилган ғалаба ҳақида фикр билдирди.

“Ниҳоят, ярим финалдамиз. Бу осон бўлмади, биз турнирда қолганимиздан хурсандимз. Ҳамманинг қувончи чексиз. Ҳозир энг яхши лаҳзаларни бошдан ўтказяпмиз, аммо янада ёрқинроқ дамларга интилишимиз керак. Биз исталган рақибга қарши ўйнай олишимизни кўрсатдик.

Биз финалга чиқишимиз керак. Тўғри, бунга ҳеч ким ишонмайди худди ярим финалга чиқишимизга ишонишмагани каби. “Челси”нинг таклифини рад этганимдан ҳам хурсандман. Чунки биз ярим финалда ўйнаймиз ва ярим финал қуръасида “Рома”ни кўриш — биз учун шараф”, деди Жеко.