“Roma” va “Barselona” o‘yini qahramoni, rimliklar hujumchisi Edin Jeko “Barselona” ustidan qozonilgan g‘alaba haqida fikr bildirdi.

“Nihoyat, yarim finaldamiz. Bu oson bo‘lmadi, biz turnirda qolganimizdan xursandimz. Hammaning quvonchi cheksiz. Hozir eng yaxshi lahzalarni boshdan o‘tkazyapmiz, ammo yanada yorqinroq damlarga intilishimiz kerak. Biz istalgan raqibga qarshi o‘ynay olishimizni ko‘rsatdik.

Biz finalga chiqishimiz kerak. To‘g‘ri, bunga hech kim ishonmaydi xuddi yarim finalga chiqishimizga ishonishmagani kabi. “Chelsi”ning taklifini rad etganimdan ham xursandman. Chunki biz yarim finalda o‘ynaymiz va yarim final qur’asida “Roma”ni ko‘rish — biz uchun sharaf”, dedi Jeko.