Собиқ футболчи, ҳозирда британия телевидениеси эксперти майкл Оуэн ЕЧЛ чорак финалида "Рома" - "Барселона" жавоб учрашувида каталониялик футболчиларнинг ўйинига шарҳ берди.
"Бунга ишониб бўлмайди. Агар статистикага қарасангиз, бу қанчалик ишониб бўлмаслиги тушунарли бўлади, аммо кўзлар алдамайди. Биз биринч ўйинни кўрдик. "Барселона"ни бир неча ўйиндан буён кузатиб келяпмиз. Кам ўтказилган голларга қарамай, ҳужумчилари ҳимояда иштирок этмайдиган жамоаларнинг "ноль"га ўйнай олишига ишонмайман.
Жамоа 11 кишилик рақибга 8 киши бўлиб ҳимояланмоқда. Юқори савиядаги ўйинларда бунинг фойда беришига ишонмайман. Албатта, "Рома"нинг савияси у қадар эмасдир. "Барселона" бундан фойдаланадиган яна бир жамоага дуч келади, аммо ҳозир эмас, чунки улар чиқиб кетишди", - дейди Оуэн.
