Бугун Швейцариянинг Ньон шаҳрида Европа чемпионлар лигаси ва Европа лигасининг ярим финал босқичига қуръа ташлаш маросими бўлиб ўтади.
Унга кўра, Европа лигасига Тошкент вақти билан соат 15:00да, Европа Чемпионлар лигасига эса соат 16:00да қуръа ташланади.
Сиз маросимни FUTBOL TV телеканали орқали жонли эфирда томоша қилишингиз мумкин.
Қайд этиш керак, чорак финал босқичидан сўнг "Реал Мадрид", "Ливерпуль", "Рома"ва "Бавария" клублари ярим финал йўлланмасини қўлга киритишган.
Ярим финалнинг биринчи ўйинлари 24 ва 25 апрель кунлари, жавоб баҳслари эса 1 ва 2 май кунлари бўлиб ўтади.
Финал учрашуви эса 26 май куни Киевдаги "Олимпийский" стадионида бўлиб ўтади.
Европа лигасида эса чорак финал ўйинларидан сўнг "Арсенал", "Атлетико", "Зальцбург" ва "Марсель" клублари ярим финал йўлланмасини қўлга киритишди ва бугун улар ўз рақибларини билиб олишади.
Эслатиб ўтамиз, Европа лигасининг ярим финалнинг биринчи ўйинлари 26 апрель, жавоб баҳслари эса 3 май куни бўлиб ўтади.
Финал учрашуви 16 май куни Лиондаги "Стад де Лион" стадионида бўлиб ўтади.
