“Милан” бугун “Наполи” билан ўз майдонида 0:0 ўйнади. Бу ўйин эса Жанлуиджи Доннарумма учун “Милан”даги 100-учрашув бўлди.
Доннарумма бугун 19 ёшу, 1 ойлик ва 19 кунга тўлди. Гап шундаки, кичик Буффон Италия чемпионати юқори дивизионида 100та ўйин ўтказган энг ёш футболчига айланди.
Ёш голкипер Жанни Ривера, Сильвио Пиола, Роберто Манчини, Паоло Мальдини ва Франческо Тотти каби футболчиларни ортда қолдирди. Жанлуижи Буффон бундай натижага 21 ёшу, 100 кунлигида эришганди.
Маълумот учун, Доннарумма – 2015 йилнинг25 октябридан бошлаб “Милан”нинг асосий дарвозабони ҳисобланади. У 16 ёшу 8 ойлигида “Милан”да дебютини ўтказган.
