"Порту" президенти Жорже Нуну Пинту да Кошта жамоа дарвозабони Икер Касильяснинг шартномасини узайтиришини истамоқда.
36 ёшли Касильяснинг амалдаги шартномаси ёзда ниҳоясига етади.
"Албатта, биз Касильяснинг сафимизда қолишини истаймиз. У бизнинг жамоада ўйнаётганидан мамнунмиз. Икер - аъло дарвозабон ва яхши инсон. У бизга муҳим эканини исботлади. Унинг қолишига кафолат бера олмайман, аммо унинг қолишини истайман", - дейди да Кошта.
Эслатиб ўтамиз, аввалроқ Касильяс МЛСнинг "Чикаго Файр" клубига ўтиши хабар қилинган эди.