"Portu" prezidenti Jorje Nunu Pintu da Koshta jamoa darvozaboni Iker Kasilyasning shartnomasini uzaytirishini istamoqda.
36 yoshli Kasilyasning amaldagi shartnomasi yozda nihoyasiga yetadi.
"Albatta, biz Kasilyasning safimizda qolishini istaymiz. U bizning jamoada o‘ynayotganidan mamnunmiz. Iker - a’lo darvozabon va yaxshi inson. U bizga muhim ekanini isbotladi. Uning qolishiga kafolat bera olmayman, ammo uning qolishini istayman", - deydi da Koshta.
Eslatib o‘tamiz, avvalroq Kasilyas MLSning "Chikago Fayr" klubiga o‘tishi xabar qilingan edi.