РФИ мухлислар билан ишлаш ва хафсизлик бўлими бошлиғи Алексей Толкачев 27 март куни Санкт-Петербургда Россия - Франция ўртоқлик учрашувида (1:3) ирқчилик кўриниши юзасидан олиб борилган иш ҳақида маълумот берди.
Учрашув вақтида меҳмонлар яримҳимоячиси Поль Погбага нисбатан увиллаган овозлар эшитилган.
"Россия футбол иттифоқи ФИФА ирқчилик кўриниши деб топган бу қилмишни содир этганларнинг шахсини аниқлаш учун Россия ИИВ га сўровнома юборди. Маълумотларга кўра, уларнинг шахси аниқланган, полиция уларни қилишларига яраша жазога тортиш учун ҳаракат қиляпти", - дейди Толкачёв.
Улар ҳақида маълумотлар ЖЧ ўйинларига тушиш учун мухлис паспорти бериладиган маълумотлар базасига киритилади ва ЖЧ-2018 ўйинларига кириш ҳуқуқидан маҳрум қилинади.
